HTŞyo ke Anqara Efrîn de cakerdbi, 6 kesî remnayî
Heyet Tehrîr El Şam (HTŞ)yo ke şagîrtê El Qaîdeyî yo û hetê dewleta tirke ra Efrîn de ameyo cakerdene, qezaya Şêrawa de 6 kesî remnayî.
Goreyê agahîyanê ke çimeyanê herêmîyan ra ameyê girewtene cerganê Heyet Tehrîr El Şamî qezaya Şêrawa ya Efrînî de 6 kesî remnayî.
Nameyê nê kesan wina yê: Osman Xelîl, Îbrahîm Cûma, Henîf Osman, Tehsîr Salih, Ehmed Cemal û Hemîd Seydo.
Çimeyan da zanayene ke nê kesî bi fermanê sercerg Ebû Mihemed Qelemonî ameyî remnayene ke no sercerg seba MÎTî xebitîyeno.
Heyet Tehrîr El Şam (HTŞ)yo ke şagîrtê El Qaîdeyî yo, hetê dewleta tirke ra Efrîn de ame cakerdene û herême de pakîya etnîke keno.
