Aktîvîteya ke pabesteyê Platrofmê Kede û Demokrasîyî yê Dêrsimî xeylê kesî tewrê ci bîyî, fotografê kesanê ke ameyî destbendkerdene û dima ra ameyî vîndîbîyayene, ameyî kiriştene.

Hemserekê Şûbeyê ÎHDyî  yê Dêrsimî Ozgur Ateşî bale ante muhîmîya Hewteyê Vîndîbîyayeyan ser. Hemsereke Nurşate Yeşîl zî veng da wa aqibetê Hatun, Yeter, Elif Işik, Gulizare û kênaya ci Dilek Serina 3 serrî  ê ke 1994 dewa Vartinikî de ameyî vîndîbîyayene û Gulîstane Dokuya ke 2020î ra nata tira xebere nîna girewtene,bêro eşkerakerdene.

Nurhate Yeşîl waşt wa aqibetê kesanê ke ameyî destbendkerdene û vîndîbîyayene bêro eşkerakerdene, kiştoxî bêrê muhakemekerdene,nezarat de vîndîbîyayîş sey sûcî bêro hesibaneyene, kerdoxî bêrê cezakerdene, Tirkîya Pêkerdişê Vîndîbîyayeyan ê Neteweyanê Yewbîyayeyan îmza bikero, qedexeyê Meydanê Galatasarayî bêro wedaritene.

Nurşate Yeşîl ard ziwan bi nê waştişî bi caardişê haştîya mendî yenê caardene û vat, ''Prosesê ke bi qerarê çekeronayîşî vejîya werte semedê nê heqîqet, têrîameyîş û seyyewbînîye hewce kena. Gerek haştîye qûrbanê hesabanê sîyasîyan nêbo, semedê haştîya edîle û mendîye gerek îradeyêko zixm vejîyo werte.''

Eşkerayîye bi çalakîya roniştişî qedîyaye.