Operasyonê Asayîşî û Merdimîye  yo ke Kampa Holî de yeno kerdene  de roja 6. de dewam keno. Çarçeweya operasyonî de  5 cergê DAÎŞî û 21 şikdarî bînî ameyî destbendkerdene û 3 tunelî ameyî dîyene.

Merkezê Îrtîbatî û Çapemenîye yê Hêzanê Asayîşê Zereyî derheqê roja 6. ya Operasyonê Asayîşî û Merdimîye de nê agahîyî dayî: 

''Hêzanê ma safhaya diyîne ya Operasyonê Asayîşî û Merdimîye de roja 6. de 15 kesê ke goreyê şikan pabesteyê DAÎŞî de destbend kerdî. Operasyon de xeymî ameyî wedaritene, 3 tunelê ke cerganê DAÎŞî tede xo nimnayêne, guleyê çeka M-16î, 2 çenteyê leşkerî, malzemeyê îşkence û cînayetî ameyî dîyene. Hêzanê ma dest na xeylêk telefonanê mobilî û tabletan ser zî. 

Hêzanê ma dima ke derheqê cayanê hucreyanê DAÎŞî de tay agahîyî girewtî ewro saete 04.00 de eşt qismê yewinî yê kampe ser. Hêzanê ma 5 hucreyê DAÎŞî û 6 kesê ke goreyê şikan eleqeyê înan pê DAÎŞî est o destbend kerdî. Tehqîqatê vera 6 şikdaran dewam keno.''