Fermandarîya Pêroyî yê Hêzanê Asayîşê Zereyî yê Rojawanî bi destekê QSD, YPJ û YPGyî safhaya hîrêyîne ya Operasyonê Merdimatîye û Asayîşî Kampa Holî de daye destpêkerdene.

Fermandarîya Pêroyîye derheqê operasyonî de Kampa Holî de eşkerayîye daye çapemenîye. Vervatoxa YPJyî Rûkene Cemal eşkerayîye wende. 

Eşkerayîye de ame parekerdene ke Îdareyo Xoser vera hucreyanê DAÎŞî têkoşînê xo rê sey her wextî dewam keno. Rûkene Cemal bale ante ser ke hêrişanê dewleta tirke reyde wextê peyênî de Kampa Holî de têgêrayîş, hêriş û rêxistinîya DAÎŞî zêdîyayê. 

Rûkene Cemal vat: ''Dewleta tirke seba ke aramî û asayîşê herême biherimna DAÎŞî şuxilnena. Dewleta tirke kena ke Kampa Holê de têgêrayîşanê DAÎŞî aktîf bikera. Wextê peyênî de hêzanê ma xeylêk cergê DAÎŞî tepiştî û înan îtîraf kerd ke plan kerdêne ke hêrişê Holî bikerê. Seba ke ma verê nê tehlukeyan bigêrê safhaya hîrêyîne ya operasyonî daye destpêkerdene. Hêzanê operasyonî bi têkoşîn, hêz û dîsîplînê xo îsbat kerd ke goreyê qanûnan û heqanê merdşman têbigêrê. Çarçewa operasyonî de hêzê ma erkanê xo do bîyarê ca û bi tedbîranê asayîşî têbigêrê ke tehlukeyê terorî herême ra wedarnê.''