Bi ameyîşê zimistanî û hêrişanê Dewleta Tirkan ê vera dewanê Şêrewa şarê Efrînî Kampa Vegerî de şartanê çetinan de xover dano.

Hemserekê Kampa Vegerî  Îbrahîm Mustefeyî derheqê karê kampe de qisey kerd û vat: "Ma do xîret bikê ke gore firsendanê xo hewcedarîya xo peyda bikê. Labelê seba ke firsendî kêm ê, tay astengî estî. Ma nika seba zimistanî çadiran amade kenê ke ma va û varanî ra bipawê. Merdimê ke kampe de manenê exlebî doman û cinî yê. Awe hetê şaredarîya dewa Aqîbe ra yena vilakerdene. Îdareyo Xoser xîret keno ke pêro hewcedarîye safî biko. Ma hemwelatîyê Sûrîye yê, coka no dormegirewtişî ma ser o nêbo. Rayîrê weşkerdişê zî girewte yê, nêverdenê kesêk derbasê Helebî bibo. Seba weşkerdişî bi se hezaran pere wazenê, nasnameyî ser o ma Sûrîyeyîj ê çira mabênê şarê xo de cîyatîye kenê? Şarê ma pê xo û hêzê xo bawer ê. Hêrişê dişmenî bi taybetî vera sivîl, cinî û domanan ê. Şero ke Dewleta Tirkî kena vera Kurdan o. Ma tîya de vanê wijdanê merdimîye ça de yo? Ma hêvî kenê ke rojêke abigêrê wijdanê xo ser."