Îşxalê dewleta tirke yê vera Rojawanî de 300 hezar sivîlan koç kerd. Şaro ke koçê herêma QSDyî kerd Îdareyê Xoserî seba nînan Hesekê de kampêke ronaye û bînayê umûmîye vurnayî warê cuye. Îdareyo Xoser û Heyva Sore ra ber dezgehêk hetkarîya kampe nêkeno, kampe de her roje nufu zêdîyeno.

Dima ke nê rojan de dewleta tirke û cerganê ci hêrişê dewanê Serêkanîyê, Zirgan û Til Temirî kerd newe ra koçî bîyî zêdêr. Koçberan ra hezar û 100 kesî kampa Waşokanî de ca bîyî. Ni nê hawayî nusufê kampe bi 8 hezar û 500.

Hemserekê kampa Waşokanî Hesen Yûsifî ard ziwan ke bi hêrişan nufus her rey zêdîyeno û îfade kerd ke dezgehêkê mîyanneteweyî zî hetkarîya koçberan nêkeno. Yûsifî bale ante ser ke koçberî wazenê abigêrê keyeyê xo û waşt ke rayaumûmîya mîyanneteweyîye ganî vera îşxalan berpirsîyarîya xo bîyara ca.