Dewleta tirke ya îşxalkere ke awe zî sey çekê şerî xebitnena, awa Royê Firatî birnaye. Kêmîbîyayîşê na awe seba mîlyonan însanan tehtîdêk o.

Goreyê peymana ke dewleta tirke, Iraq û Sûrîye serra 1987î de îmza kerda, gere dewleta tirke qasê 500 kîlometrekup awa Royê Firatî verdo wa bivîro Sûrîye. Se ra 60î zî verdo wa şêro Iraq. La dewleta tirke 27ê çeleyê 2021î ra yo ke, tena 200 kîlometrekup verdana ke awe bivîra Sûrîye.

Seba kêmîbîyayîşê awe bi hezaran hektar erdî ke derûdorê çemî ra yê, ziwa bîyê. Royê Firatî û çimeyo muhîm ê awa şimitişî yo. Coka tesîrê xo giran o.

Rayberîya Bendawan ê Vakur û Rojhelatê Sûrîye 22ê sibate 2023î de bi eşkerayîyêke nuştekî dîyar kerd ke Bendawê Tişrîn û Firatî de ver bi ziwabîyayîşî şinê.

Rayberîye venga Komelanê Mîyanneteweyan daybî ke wa Tirkîye goreyê peymanî têwbigêra û fek nê kerdişanê xo yê verba merdimîye ra verda.