Xelîfan de Çemê Zê de şewa 28-29ê tebaxa 2021î de komêka 7 gerîlayan raştê hêrişê hêzanê PDKyî amebî û tîya de 5 gerîlayî şehîd bibî. Nê şehîdan ra yew zî Serdem Cûdî (Yusif Îbrahîm) bi. Kekê Serdemî û waya ci ANFyî rê qisey kerd.

Kek Yûsif Îbrahîmî pare kerd ke gerîlayî rûmetê kurdan pawenê û vat: ''La PDK rîpelanê tarîyan ê gêmarinan de cagêno. Îxanetê PDKyî wextêkê dergî ra nata dewam keno. Embaz Serdem û embazê ci yê bînî Xelîfan de bi destê PDKyî şehîd bîyî. PDK dişmenê şarê kurdî yo. Hayîya şarê kurdî îxanetê PDKyî ra est a. PDK nêbîyayêne dewleta tirke do nêeşkayêne gamêke zî bierza Başûrî.

Ma Berê Sînorî yê Sêmalka de xeyme akerde, 111 rojan PDKyî ra cenazaya xo waşte. La PDKyî goş nêda waştişê ma. Ma cenazayanê şehîdanê xo wazenê. Ma zanenê ke cenazayê ma destê PDKyî de yê. Eke PDK xo rê vano kurd wa cenazayanê ma bido.''

Gulçîne Îbrahîm îfade kerd ke birayê ci bi destê PDKyî şehîd bîyo û vat: ''PDK dişmenê kurdan o. Oyo ke zerrîya ma vêşneno şehadetê Serdemî nîyo, îxanetê PDKyî yo. Birayê mi bi destê kurdan ame kiştene. Ez venga PDKyî dana ke bi cidîyetî têbigêro û cenazaya birayê mi bido. 111 rojan ma têkoşîn kerd û têkoşînê ma hema zî dewam keno. PDKyî îxanetê xo eşkera kerd. La PDK wa bizano ke ne serrêke bi serrî zî derbaz bibê ma do cenazaya Serdemî bigêrê.''