Bi hezaran kesanê ke dewa Xirab Eşkê ya Kobanê de ameyî têhet ver bi bargehê koalîsyonî yê Mîyanneteweyî rayra şîyî  ûwaşt ke wa temsîlkarê Îdareyo Xoser ê Rojakewtene û Vakurî û Meclîsê Sûrîyeya Demokratîke (MSD) zî Komîteya Qanûnê Bingeyênî yê Sûrîye de ca bigîrê.

Rayraşîyaşo ke bi slogana Qanûno Bingeyêno ke ma tede nîyê, ma eleqadar nêkeno‘ ame viraştene Kurd, Ereb, Ermenî, Tirkmen û şaranê herême ra xeylî kesî tewrê ci biyî. Yeno pawetene ke do temsîlkarê Îdareyê Xoserî, MSD û Partîya Ameyoxê Sûrîye qisey bikerî û heyetêk berpisîyaranê Koalîsyonê Mîyanneteweyî yê ke bargeh de yê de pêvînayîş virazo.