Herêma Firatî de serrgêra 20. ya ronîyayîşê PDKyî bi coşî ameye fîrazkerdene. Temsîlkarê dezgeh û rêxistinan, Îdareyê Xoserî, QSD û şar tewrê şayîye bîyî. 

Şayîye de Endamê Meclîsê Pêroyî yê PYDyî Ehmed Xoceyî qisey kerd û ard ziwan ke PYD rewşa vurnayîş û vurîyayîşî de ronîyayo. Xoceyî pare kerd ke PYD esasê azadîya cinîyan û demokrasî de ronîyayo û vat: ''PYDyî vera hêrişanê şarê ma rolêko pîl kay kerd.''

Hemsereka Meclîsê Keyeyanê Şehîdan ê Herêma Firatî Ayşe Efendî zî bale ante ser ke PYDyî heta nika destkewteyê pîlî vistê destî.  Ayşe Efendî da zanayene ke ê do heta peynî xeta şehîdan de şorê.

Şayîye de keyeyê Şehîd Şîlane û Ciwanî ameyî xelatkerdene. Dima zî şayîye bi bernameyanê hunerî dewam kerd.