Rojawan de qedexeyê vejîyayîşê teberî yê vera vîrusê Korona dewam keno. Na çarçewe de rayberîya  Partîya Ameyoxî ya Sûrîye, Komîteya Ekolojî ya Herêma Firatî û şaredarîye de 30ê adare de herême de kampanyaya ''Vera Korona dest bi dest'' dîyaye destpêkerdene. Çarçewa kampanya de hemwelatîyan rê maske, lapikî û broşurî ameybî vilakerdene. 

Reyna çarçewa kampanya de ewro şaristan de xebata dezenfektekerdişî ameye caardene. Goreyê xebata ke rayberîya  Partîya Ameyoxî ya Sûrîye, Komîteya Ekolojî ya Herêma Firatî û şaredarîye de ameye kerdene taxî, kuçeyî û cehdeyî ameyî dezenfektekerdene.

23ê adare qedexeyê vejîyayîşê teberî ra nata Komîteya Ekolojî Şaredarîye reyde her roje kuçeyanê Kobanê de xebata pakîye kena.