Rojawanê Kurdîstanî de şayîyanê Newroze bi coşêkê pîlî ewro zî dewam kerd.

Heleb û Qamişloyî de şayîyê pîlî ameyî kerdene. Şayîyan de ame waştene ke azadîya Rayberê Şarê Kurdî Abdullah Ocalanî wa bêra caardene û meseleya kurdan bêra çareserkerdnee.

Kobanê de şar Girê Miştenurî de ame pêser û adirê Newroze vist ta. Warê şayîye bi posteranê Rayberê Şarê Kurdî amebi xemilnayene. 

Heleb de taxanê Şêxmeqsûd û Eşrefîyê de serê sibayî coşê Newroze dest pêkerd. Adirê Newroze hetê dadîyanê şehîdan ra bi sloganê "Bê Serok Jiyan Nabe" ame tavistene.