Çalakîyê şermezarkerdişê tecrîdê giranî yê serê Rayberê Şarê Kurdî Abdullah Ocalanî dewam kenê. Na çarçewe de Komîteya Pawitişê Abdullah Ocalanî ya Rojawanî Sekreterê Pêroyî yê Neteweyanê Yewbîyayeyan (NY) Antonio Guterresî rê mesajo eşkera şawit.

Mektûbê eşkerayî de nê ameyî vatene: ''Dewleta tirke vera Rayber Ocalanî yo ke bi qerarê hukmî Zîndanî Îmrali de sey rehînî tepişena metodanê vera huqûq û merdimîye şuxulnena. Eslê xo de pê qerarê sîyasîyî ûca yeno tepiştene. Seba ke Rayber Ocalanî bigêrê binê kontrolî ci rê îşkence kena. Dewleta tirke rojanê peyênan de binê nameyê cezayanê dîsîplînî de derheqê rewşa ey de eşkerayî nêdana. Dewleta tirke destûr nêdana ke avûkat û keyeyê ci pêvînayîş bikero. Huqûqê mîyanneteweyîyî yeno binpaykerdene.

Birêz Sekreterê Pêroyî yê NYyî dewleta tirke pê tecrîdê serê Rayber Ocalanî û sûcanê ke vera herêmanê ke şar tede ciwîyeno kena vera komelê mîyanneteweyîyî vejîyena. Warê ke îşxal kerdî de sûcanê teberê merdimîye kena.''

Mektûb de pê madeyan ame eşkerakerdene ke dewleta tirke senî qanûnê mîyanneteweyîyî  binpay kena û peynîye mektûbî de wina ame vengdayene:

''1-Ganî Komîsyonê Heqanê Meriman ê Ewropa semedê têtkoşînê vera îşkenceyî madeyê 19. û CPTyî bifîno dewre. Ganî Strasbourg de Mehkemayê Heqanê Merdiman ê Ewropa bêro ronayene.

2-Ganî madeyê 6. yê pêkerdişê NYyî bêro şuxulnayene. Goreyê nê Heyetê Pêroyî yê NYyî pê waştişê Konseya Asayîşî dewleta tirke NYyî ra vejo.  Çunke goreyê pêkerdişê NYyî madeyê 1. û 2. binpay kena.

3-Badê mudaxaleyê komelê mîyanneteweyîyî rewşa Rayber Ocalanî eşkera bikero, projeyê azadkerdişê ey bîyaro caardene, dewleta tirke mehkemeyanê mîyanneteweyîyî de bêro muhakemekerdene. Çunkê Rayber Ocalan mifteyê haştîya dinya yo.''