Delegeya Konferansê Enternasyonalîstî yê Rojawanî Zeryane Berxwedana ke îtalyan a,  derheqê konferansî de ANFyî rê qisey kerd.

Zeryane eşkera kerd ke aye verî konferansêko winasên nêdibî û konferans zaf bitesîr bi. Zeryane da zanayene ke înan konferans de fam kerd ke meseleyê her welatî heman ê û sîstem pêro welatan de komel binpay keno.

Zeryane vat: ''Konferans de rolê cinîyan zêde girîng bîyî. Konferansê ma Rojawan de karê ma xorin kerdî. Planê ma yê cîyayî est ê. Ma xîret kenê ke enerjî û îdeolojîya Şorişê Rojawanî biresnê welatanê bînan. Seba ke ma vurîyenê fikrê ma zî vurîyeno, kesayetê ma vurîyeno. Bingeyê Şorişê Rojawanî de fikrê Abdullah Ocalanî est ê. Fikrê Ocalanî xebatanê entersnayonelan de zî bingeyêko girîng o.

Sey hemwelatîyêka Îtalya mi girîngîya nê konferansî zaf hîs kerd. Konferanso Enternasyonalîst ê Rojawanî seba înan çîyêko newe yo. No konferans têna seba Rojawanî nê seba welatê mi Îtalya zî eşkeno bibo çimeyê îstîfadekerdişî. Seba ke beşdarê konferansî heman sîstemî ra ameyê meseleyê xo ardî ziwan û meseleyê ma zî heman ê. Ma hêvî kenê ke Îtalya de têgêrayîşê kurdan eşkenê rêxistina xo awan bikerê.''