Bi beşdarîya pêro dezgeh û sazgehanê enternasyonelan ê Rojawanî Konferanso Yewin o Enternasyonel ê Rojawanî ame kerdene. Konferans de xerîteya newîye ameye eşkerakerdene.

Konferansî ra dima Komîteya Amadekarîye netîceyê ci pare kerdî. Netîcename wina yo:

''-Krîz û şerê emperyalîstî benê pîlêr û armancê înan çinkerdişê pelê xoverdayîşê şaran o. Xoverdayîşê Spartakusan serkêşîya Abdullah Ocalan, Arîne, Ronahî û Bageran de resa nê rojan. Na mesele global a coka têkoşîn û xoverdayîş zî enternasyonel û global bibê.

-Ewro Şorişê Rojawanî û Sîstemê Konferalîzmê Demokratîkî têgêrayîşanê şorgêran rê benê mîsal.

-Ma konferansê xo dîyarîya şehîdanê Şorişê Rojawnaî kenê. Ma soz danê ke armanc û xeyalanê înan bîyarê ca.

-Şorişê Rojawanî tarîxê şaranê bindestan de rîpelêko newe akerd. Têgêrayîşê Azadîye yê Kurdîstanî pê tecrubeyê xo yê 50 serran beno çimeyê moral û îlhamî yê dinya. Ganî ma dormeyê Konfederalîzmê Demokratîkî de bêrê pêser û têkoşînê azadîye yê enternasyonalîstî bikerê, cuya komunele, têduşte, rûmetên û azade awan bikerê.

-Konferansê ma seba pawitişê Şorişê Rojawanî do erkanê xo bîyaro ca û Şorişê Rojawanî pîl bikero.

-Konferansê ma xoverdayîşê cinîyan û jineolojî xo rê kerd esas û xerîteya xo ya rayîrî nê bingeyî ser de naye ro. Konferans de bire dîyaye ke vera kolonyalîzm, pederşahîye, sîstemê serdestîya camêrdan, îşxalkerîye têkoşîno enternasyonel wa bêro pîlkerdene, Konfederalîzmo Demokratîk ê Dinya wa bêro ronayene.

-Seba azadîya Rayber Apoyî û pêro tepişteyan têkoşîn do bêro pîlkerdene.

-Sey Efrîn, Serêkanîyê û Girê Sipî herêmê îşxalkerdeyî do bêrê azadkerdene. Na çarçewe de kampanyayê sey RiseUp4Rojava' û 'WomenDefendRojava' bêrê pîlkerdene û bloko antîfaşîst o global bêro ronayene.

-Ma venga pêro enternasyonelîstan, şorişgêran, anarşîstan, ekolog û femînîstan danê ke bêrê Rojawanî û têkoşînî tîya de pîl bikerê. Ma pîya bi ruhê şorişê cinîyan dinya rindêr bikerê.''