Meclîsê Kongra Starî bi eşkerayîya nuştekîye Fermandara YPJyî Zozane Hesekê (Munewere Fatimê) yad kerde û nê vatî:

“Zozana ke hema ciwanîya xo de zer kewna dewaya azadîye, wayîrê ruhê serhildan û azadîye bî. Karekterê ci bi kulturê welatperwerîye amebi pê û îradeyê ci zey asinî zixm bi. Semedê aya azadîye nan û awer ra dahîna muhîm bî. Eşqê welatê xo ra hema serranê xo yê ciwanan de tewrê refanê têkoşînî bena. Emrê xo da azadîya welatê xo. Serranê 90yan de hela ke tewrê têkoşînî bena, şina warê Rayberîye û tîya xo bi fîkranê Rayberîye aver bena û dima ra verê xo dana koyan û 22 serrî koyanê Kurdîstanî de keda pîle dana û vera dişmenî têkoşîn kena.

Wextê hêrişê çeteyanê DAÎŞî de verê xo dana Rojawanî û tewrê hemleya azadîye bena û bi cesaret şina dişmenî ser ke xora aye de çîyo sey tersî çînêbi. Embazê Zozane zaf rind wîyayêne û hetê her kesî ra ameyênî heskerdene. A qehremanêka xoverdayîşê Kobanê, hemraya Arîne û Barînan û sembola qilê Miştenûrî bî.

Hemra Zozane Kobanê ra dest pê kena Kurdîstan game bi game gêrana û waranê sey perwerde, leşkerî û komelî de tewrê zaf falîyetan bena. Bitaybetî xebatanê KPCyî de morê xo danê binê xebatanê muhîman ro. Seba ke neslêkê neweyî înşa bikero mamosteyîya mamosteyan kena. Her ca de rêçanê xo verdana. Ma sey Rojawanî deyndarê hemra Zozane yê.

Hemra Zozane Hesekê pîya bi şehîde Zelale Zagros eynî proses de tewrê têkoşînê azadîye bena. Wird hemrayî  pîya vera dişmenî şer kenê. Hemra Zozane û Zelale bîyî teqîpbkarê Zîlanan. Ma sey hamrayanê ci keyeyê ci yê bianorî rê serweşîye wazenê û soz danê ke ma do wayîrê mîrasê ci bivejîyê.”