Koordînasyonê Kongreya Starî bi wesîleya serrgêra yewîne ya şehdaetê Hevrîne Xelef û Dayîke Eqîde eşkerayîyêka nuştekîye daye.

Eşkerayîye wina ya: 

''9ê teşrîna verêne ya 2019î de dewleta tirke Rojawan îşxal kerd û hêrişê ci hema zî dewam kenê. Serrgêra şehadetê embaze Hevrîne û Dayîke Eqîde de ma pêro şehîdanê Serêkanîyê bi rêzdarî yad kenê. Xoverdayîş û hêzê cinîyan ê şorişgêran dewam kenê. Qesasê şehîdan zerrîya ma de ganî yo. Ma do xeta înan a îdeolojîya azadî û demokrasî teqîb bikerê û pêro xeyalanê înan bîyarê ca.

12ê teşrîna verêne ya 2019î de Sekretera Pêroyî ya Partîya Ameyoxî ya Sûrîye embaze Hevrîne Xelef hetê cerganê dewleta tirke ra ameye qetilkerdene. Embaze Hevrîne bi serran seba cuya azad û têdûşte têkoşîn kerdbi û xeylêk xebatî pêşkêşê komelî kerdbi. Dayîke Aqîdeya ke waştêne vera îşxalî bigêra, oxirê pawitişê welatê de xebitîyaye û hetê dişmenî ra ameye qetilkerdene. 

Ma sey Kongreya Starî nê hêrişanê barbaranê ke cinî, doman û sivîlan kenê hedef bi xurtî şermezar kenê. Ma hîrê embazanê ma yê ke Kobanê de ameyî qetilkerdene Emîne, Zehra û Hêbûne bi rêzdarî yad kenê. Dewleta tirke bi polîtîkaya qirkerdişî Rojawan de cinîyanê rayberan kena hedef. 

Nê kerdişî moralê ma xera nêkerê eqsê xi ma do asta xoverdayîş û têkoşînî berzêr bikerê û qesasê şehîdan bigêrê. Roşnî û adirê Şorişê Rojawanî her tim do geş bibê û qet hewna nêşorê.

Ganî pêro têgêrayîşê cinîyan ê dinya vera dewleta tirke tewirê xo bimojnê û têkoşînê xo bikerê yew. Ma bêvengîya rêxistin û dezgehan ê mîyanneteweyîyan rexne kenê. Bêvengîya înan yena manaya hemkarîya nê hêriş û qirkerdişan. Ganî pêro dezgeh û rêxistinê mîyanneteweyî berpirsîyarîya xo bîyarê ca û vera dewleta tirke wurzê payan ser.''