Kongreya Starî ya herêma Efrînî Kampa Berxwedanî ya Şehba de eşkerayîyêka çapemenîye daye û hêrişê vera Kampa Multecîyan a Şehîd Rustem Cûdîyî (Mexmûr) şermezar kerd. Eşkerayîya kurdkî hetê endama Koordînasyonê Kongreya Starî Hêvî Silêman ra û eşkerayîya erebkî zî hetê endama Kongreya Starî Naîle Mehmûd ra ameye wendene.

Eşkerayîye de ame parekerdene ke nê wextê janî de zî dewleta tirke hêrişê kurdan keno. Eşkerayîye de ame vîrvistene ke bi hezaran sivîlî kampe de yê û ame vatene: ''Hêriş de 3 cinîyî şehîd bîyî û tay sivîlî zî birîndar bîyî. Nê hêrişê barbarî yê vera şarê sivîlî 25 serrî yo ke dewam kenê. Hetê bînî ra hukmatê PDK zî 9 mengî yo ke vera kampe ambargo ano ca.

No hêriş serrgêra Qirkerdişê Enfalî de ame kerdene. Ma reyna bi hawayêkê xurtî nê hêrişî şermezar kenê û venga dezgehanê huqûqnasan, heqanê merdiman û rêxistinanê weşîye yê mîyanneteweyîyan danê ke bêvengîya xo ra fek vera bidê û tedaya dewleta tirke bikerê.''