Dewleta Tirkan dest pê “Tikkerdişê” Serêkanîye û Girê Sipîy yê ke îşxal kerdê kerd. Gore agahîyan Mudurîyetê Pêroyî yê Koçî taye keyeyî Tirkîya ra ardê ke Serêkanî û Girê Sipîy de ca kerê.

Nê koçberê Asyaya Mîyanêne ke nika Îstanbul, Hatay, Dîlok û Riha de Merkezanê Stargehan ê Demkî yê Mudurîyetê Pêroyî yê Îdareyê Koçî yê Wezaretê Karanê Zereyî de yê seba koordîneyê Îstîxbaratê Tirkîya xeta seba ke Serêkanîye û Girê Sipîy de bêrê cakerdene dest pê karî ameyo kerdene.

Asyaya Mîyanêne ra Anê û Erdê Ereb û Kurdan de Kenê ca

Gore agahîyan MÎTî gelek keyeyê ke sebebanê cîyayan ra serkewte Rojhelatê Tirkîstanî, Tirkmenîstan, Ozbekîstan, Tacîkîstan, Azîkîstan, Azerbaycan û Efqanîstan ra koçê bi Tirkîya kerdo reyde pêvînayîşan keno. Gore agahîyan keyeyê ke yeno waştene ke herême de bêrê cakerdene, mîyanê ê kesan ra yenê weçînitene ke merdimê înan mîyanê rêxistinanê cergan ê Tirkîya de yê. Vajîyeno ke sazîyê Îdareyê Koçî, Kizilay, AFAD soz danê nê keyeyan ke herême de ca bikerê.

Polîtîkaya 'Kembara Tirkan'

Vajîyeno ke seba awankerdişê “Kembera Tirkan” xeta Serêkanîye û Girê Sipîy de yeno plankerdene ke keyeyan Tirkîya ra bîyarê û na xeta ke 5 kîlometreyî xorîn a de ca bikerê. Dewleta Tirkan demo ke dest pê galanê xo yê vera Vakur û Rojhelatê Sûrîye kerd, komê Sultan Murad, Sultan Suleyman Şah, Sultan Mehmed Fatîh, Muntasir Bîlallah û Semarkant ê ke vajîyeno ke tirkmenan ra awan kerdê, herêmanê stratejîk ê xeta sînorî de ca kerdîbî. Vajîyeno ke sebebê nê taktîkî Mutabaqatê Edene yo ke mîyanê Dewleta Tirkan û Rejîmê Sûrîye de 20ê teşrîna verêne ya 1998î de ameybî kerdene. Dewleta Tirkan seba madeyê “nêzdî ra teqîbkerdişê 5 kîlometre xorînîya sînorî” bikera rewac demografîyê herême vurenena.

Erdoganî Nîyetê Xo Nîşan Daybî: Ma Nêvejîyenê

Serokkomarê Tirkan Tayyîp Erdoganî zîyaretê xo yê Macarîstanî ra dima, bale anitîbî Mutabaqatê Edeneyî ser û nîyetê xo nîşan daybî. Erdoganî derheqê îşxalê xo yê Sûrîye de vatîbî: “heta ke welatê bînî mevejîyê ma zî nêvejînê (…) Dokumanê ma yê Mutabaqatê Edeneyî esto. Çarçewa erkî yo ke Mutabaqatê Edeneyî dano ma, ma do vinetişê xo dewam bikerê.” Dewleta Tirkan naye ra verî Efrîn, Ezaz, Cerabluso ke îşxal kerdo de eynî taqtîq tetbîq kerd. Cergê ke Ozbekîstan, Tirkmenîstan, Tirkîstan, Tacîkîstan û Ûygûrî ra ardîbî nê herêmanê sînorê Sûrîye de ca kerdîbî.

Berê Sînorî Kontrolê Înan De Yê

Ê komê ke qalê înan yeno kerdene û keyeyê înan herêmanê Cebel Ekrad (Çiyayê Kurdan) ê Îdlîbî de, Cebel Tirkmen (Çiyayê Tirkmen), Berê Sînorî yê Bab El Hewa, Entarib, qezayanê Cindirêse, Raco, Bilbile û Şera yê Efrînî, Berê Sînorî yê Bab El Selame yê Ezazî de û Berê Sînorî yê Cerablûsî de ameyî cakerdene. Mudurîyetê pêroyî yê Îdareyê Koçî û MÎT seba vurenayîşê demografîyê herême no demêko derg o ke gurîyenê. Wezîfedarêkê Merkezê Stargehî yê Demkî yê Rihayî aşma çeleyî de ANFyî rê vatîbî ke “Kampanê MÎTî de edresa Sûrîyeyijan şaristanê ke yeno waştene ke tey bêrê cakerdene de yeno musnayene.”

Wezîfedaro ke seba emnîyetî ma nêeşkenê nameyê ey binusê dîyar kerd ke edresa verên a koçberanê Sûrîye yê kampan, adresanê wîlayetanê Heseke, Req, Helebî reyde amê vurenayene. Bi nê hawayî yeno kerdene ke fikrê pêroyîyê dinya rê bêro nîşandayene ke nê kesî eslên nê wîlayetan ra koç kerdo û bi zor waranê xo ra ameyê vetene.