KCDK-E da eşnawitene ke semedê wayîrvejîyayîşê xoverdayîşê Tişrînî û paştdayîşê Rojawanî 29ê çeleyî de heme Ewropa, Avusturalya û Kanada de verê konsolosxaneyanê tirkan de do çalakîye bikerê û semedê tewrbîyayîşî veng da.
KCDK-E da eşnawitene ke semedê newera ganîkerdişê ruhê Kobanê, xurtkerdişê wayîrvejîyayîşî, moraldayîşê şarê Tişrîn û Rojawanî serkêşîya PYDyî de 29ê çeleyî de heme Ewropa, Avusturalya û Kanada de bi hewayêkê hemwextî verê konsolosxaneyanê tirkan de do çalakîye bêrê kerdene û semedê tewrbîyayîşî veng da.
KCDK-E bale ante hêrişê dewleta tirke û çeteyanê ci yê vera Awbendê Tişrînî ser û vat heta nika hêrişanê dewleta tirke ya îşxalkere yê vera şarê sîvîlî de çalakîya nobete de tewr tay 21 sîvîlî ameyî qetilkerdene û bi desan kesî birîndar bîyî.
KCDK-E wina veng da: ''Ganî ma vera nê qirkerdişan wirzê payan ser û xoverdayîşî pîlêr bikerê. Ganî ma Rojawanî bipawê û wayîrê xoverdayîşê Tişrînî bivejê. Ganî ma Ewropa de vejîyê waran û statuyê Rojawanî biwazê. Ganî ma bi ruhê xoverdayîşê Kobanê wayîrê xoverdayîşê qehremankî yê Rojawanî bivejê. Wa heme şarê kurdî û dostê ma vera hêrişanê dewleta tirke û çeteyanê ci têkoşînî xurtêr bikerê û tewrê çalakîyanê 29ê çeleyê bibê.''
