Rîsipîyê Herêma Firatî semedê muneqeşekerdişê hêrişê îşxalî û tehdîtanê dewleta tirke Merkezê Kultur û Hunerî yê Sirînî de ameyî têhet.

Fermandaranê QSDyî ra Hisên Koçerî ke sereyê kombîyayîşî de qisey kerd bale ante prosesê şerî de muhîmîya yewîye û têkoşînê rêxistinkerdeyî yê şarî ser. Koçerî vat: ''Ma xo bi xo îdare kenê. Îqtîdarê ke wazenê herême îşxal bikerê, ma do verê înan de milê xo çewt nêkerê û vera hêrişan bêveng memanê.  Seba ke Rayber Apoyî bi fikranê xo şarê herême aver berd sîstemê serdestî tira tersenê. Coka bi tecrîdî wazenê verê ey bigêrê. Ganî ma hinî vera nê sîstemê faşîstî bivejîyê. Hukmatê Şamî zî îradeyê şarê herême qebûl nêkerd, semedê îqtîdarî kerd xo çeng û nê zî Sûrîye rijna. Ma nika semedê xelisnayîşê herêmanê ke Erdoganî îşxal kerdî, amadekarîye kenê.''