Endama Sazgehê Keyeyanê Şehîdan ê herêma rojawanî ya bajarê Qamişloyî Fatma Casime cinîkêka Ereb a. Lajê Casime Feysel Cerbo serra 2016 de Til Berakî de, hemserê aye Dear Cerbo zî serra 2016 de Şeddadeyî de şerê vera DAÎŞ’î de şehîd bîyî. Fatma Casime vana, rewşa ewroyî bi bedelanê şehîdan û paştdayîşê şarî ameya destkewtene. Fatma Casime ard ziwan ke DAÎŞ‘o ke vanê bi nameyê Îslamîyetî şer keno, amancê xo yo rast qedênayîşê Îslamîyetî yo û wina dewam kerd, “DAÎŞ’î waşt Kurd, Suryan, Ereb,  heme şaran yewver bikişo. Ma nîşanê heme dinya da ke Kurd, Suryanî, Ereb heme şarî yew ê.”

Fatma Casime destnîşan kena ke hêz û yewîya înan a fikrî bi felsefeya Rayberê Şarê Kurdî Abdullah Ocalanî vejîyaye meydan û vana, “Fikir û felsefeya  Rayber Apoyî kerd ke ma pîya zereyê haştî û aramîye de biciwîyê û wayî û biratîya gelan ra bawer bikê. Ma wazenê zulm her ca de biqedîyo. Ez hem maya şehîdêkî ya, hem zî hemsera şehîdêkî ya. Vana; nê şerê 8 serran de ma zaf zor û zehmetîyî antî û bedelî dayî. Seba ke şarê Rojakewtena Mîyanêne zereyê aramîye de biciwîyê, ma bi seyan canî dayî. Ma bi destkewteyanê şehîd û şerwananê xo sereberz ê. Ez nê serkewtişî, şarê Rojakewtena Mîyanêne û dinya rê, keyeyanê şehîd û şerwananê ma rê û Rayber Apoyî rê pîroz kena.”