Roniştoxanê herêma Firatî derheqê hêrişanê dewleta tirke ya îşxalkere de ANFyî rê qisey kerd.

Îdareyê Komîteya Cinîyan ê Meclîsê Bajarekê Qadirîyê ra Emele Mustafa ard ziwan ke hêrişê dewleta tirke aramîya herême kenê hedef û vat: ''Pêro dewletî neteweya demokratîke ra tersenê. Garantorî Rûsya û Amerîka zî teyna seba menfaetanê xo têgêrenê û hêrişanê dewleta tirke rê vengê xo nêkenê. La ma do bi ruhê şerê şarî yê şorişgêrî vera îşxalkeran QSDyî reyde têkoşînê xo berz bikerê''

Birayê şehîd Îsayî Ebû Hisênî zî bêvengîya mîyanneteweyîye ya vera hêrişan şermezar kerde û vat: ''Ganî vera nê hêrişan pêro dewletî nêrazîbîyayîşê xo bimojnê. Dewleta tirke ya îşxalkere kena ke şarê herême pêbikewê. La ma bi ruhê xoverdayîşî vera îşxalkeran payan ser de yê.''

Birayê şehîd Ebdilrehînî Mistefa Mislimî vat: ''Teror oyo ke cinîyan, domanan û binawanîya herême hedef keno. Dewleta tirke teror kena û wazena ke teyna neteweyêke, ziwanêk û kulturêk est bê. La ma do bi hêzê xo serkewtişî bîyarê ca.''