Endamanê dezgehê weşîye yê sivîlî Dewrîyeyê Burmaya Azade (Free Burma Rangers) yê ke bîy hedefê hêriş û bobardûmana Dewleta Tirkan û cergeyanê aye, vat ke ê wazenê hêrişanê vera Rojawanî bimojnê dinya.
Dewleta Tirkan a îşxalkere û cergê aye hêrişanê xo de sivîlan û dezgehan kenê hedef. Herêma Til Temirî de bombardûmana Dewleta Tirkan dezgeho sivîl Free Burma Rangers kerd hedef. Endamê Rangersî doktor Zau Sengî wefat kerd û koordînatorê Free Burma Rangersî Mihemed zî birîndar bi.
Endamê Free Burma Rangers David Eubankî vat ke: "Serra 2015î ra nat ma Iraq, Îran, Sûrîye de kar kenê. Ma seba hetkarîye Sûrîye de yê. Ma şarî ra hes kenê û wazenê hetkarîya înan bikê. Ma wazenê ke rewşa nê cayan hêrişanê ke yenê kerdene bimojnê dinya. Nê hêrişan de 300 hezar kesî waranê xo ra bîy. Mi pê çimanê xo dî ke sivîlî ameyî kiştene. Hêriş bêmabên dewam keno. Dewleta Tirkan bi armancê îşxalî kewte herême û no sucêko pîl o. Ez Amerîkayîj a. DYA birra tepîyaancîyayîşî daye ke na bêbextîyêka pîl a. Sozê ke seba herême amebî dayene hetê endamêkê NATOyî ra ameyî binpaykerdene."
Îdarekarê Temsîlkarîya Herêma Kurdistanî ya Free Burma Rangersî Dilşad Adîlî vat: "Herême de zaf sivîlî ameyî kiştene. Tira vanê herêma biasayîşe labelê na herême herêmêka mergî ya. Koma Artêşa Azade nameyê Dewleta Tirkan ser o sey DAÎŞî tevgêrena, Sivîlan Neteweyê Yewbîyayeyî ganî nê şerî vindarno. Vera ma zî hêrişî ameyî kerdene. Hêrişan de gazê kîmyewî yenê xebitnayenê."
