Mabanê Fermandarîya Hêzanê Sûrîyeya Demokratîke (QSD) û temsîlkaranê îqtîdarê Şamî de 10ê sare de pêkerdişê 8 madeyan amebi kerdene. Seba ke no pêkerdiş bêro caardene Hesekê de kombîyayîşê diyînî ame kerdene.

Fermadarê Pêroyî yê QSDyî Mazlûm Ebdî, Endama Fermandarîya Pêroyî Rojhilate Efrîn û endamê komîteya ke îdareyê Şamî bewlî kerdî Hisên El Selame û Mihemed Qenatirî tewrê kombîyayîşî bîyî.

Pêvînayîş de madeyê pêkerdişî zî ameyî destgirewtene û ame vatene ke Sûrîye de gerek pêkewtişî biqedîyê. Na çarçewe de bale ameye antene muhîmîya pawitişê Awbendê Tişrînî ser.

Kombîyayîş de endamê komîteya ke prosesê dîyalogî yê bi îqtîdarê Şamî de Rojawanî temsîl kena, ameyî eşkerakerdene. Foza Yûsif, Ebid Hamid El Mihbaş, Ehmed Yûsif, Senherîb Bersûm  Sozdar Hacî sey endaman ameyî bewlîkerdene. Meryem Îbrahîm û Yasir Silêman do vervatoxîya komîte bikerî.