Mamostayanê Dirbesîye pare kerd ke rîyê hêrişanê îşxalî ra wendekarê înan mexdur benê û vat: “hêrişî seba perwerdeyî benê asteng.”

Rîyê hêrişanê îşxalî yê Dewleta Tirkan ra bi se hezaran kesî neçare mendî ke koç bikê. Hêrişê îşxalî tewr zêde tesîrê domanan kenê ke domanî nêeşkenê perwerdeyî bivîne. Mamostayanê dibistana Cemîle Îra Şêxmus Biro pare kerd ke Dirbesîye şaristanêko nêzdîyê sînorê Tirkîya yo, coka wendekarê înan tersenê û vat: "Nêzdîyê 15 rojî ma sey mamostayan dibistana xo de yê û pakîya dibistane kenê. Ma wazenê wendekarê ma perwerdeyê xo dewam bikê. Ez wazena venga înan bida warî de her çi asayî bîyo wa her kes abigêro warê xo û domananê xo bierşawo dibistane.

 Mamostayê Îngilîzkî  Mesud Elî vat ke: "Ez venga her kesî dana ke  abigêro welatê xo wa her kes domananê xo bierşawo dibistane Xoverdayîş têna cephe de nîyo, xoverdayîşê bingeyên wayîrvejîyayîşê erdê xo yo."

Mamosta Sumeyya Abdulqadîr Xelîl zî vat: "Ez wazena venga mamostayan bida ke wa dinya vengê mi bieşnawa. Şaristan şaristanê ma yo, domanî domanê ma yê, dibistane dibistana ma ya. Baş bîyo ke agêrayî dibistana xo. Ganî keyeyî domananê xo bierşawê dibistane. Ma erdê xo de yê û ma perwerdekerdişê domanan dewam bikê. Ma îşxalkeran ra nêtersenê, ganî her kes baş bizano ke ma do ser bikewê."