Hêzê Xelisnayîşê Efrînî (HRE) da zanayene ke 10’ê Gulane de hêzanê înan Mare de vera artêşa Tirkî ya îşxalkare çalakîye viraşte. Eşkerayîya HRE de nê zanayîşî ameyî dayene:

“Çalakîyê hêzanê ma yê vera artêşa Tirkî ya îşxalkare û grubanê ci dewam kenê.

10’ê Gulane de yewîyêka ma eşt serê nuqtaya grubêka çeteyan a bi nameyê Cephe El Şamîye ya dewa Seyyîd Elî ya Mare. Na çalakîye de 3 terorîstî ameyî kiştene û 2 terorîstî zî bî birîndar.”