Hêzanê Xelisnayîşê Efrînî (HRE) derheqê çalakîyan de eşkerayîyêke weşanaye. Eşkerayîya HRE wina ya:

''10ê sibate de rayîrê mabênê dewekanê Til Malidî û Eyûnî yê herêma Marê de hêzanê ma vera cerganê îşxalkeran çalakîyêke kerde. Çalakîye de cergêkê koma cergan ê Ceyş El Watanî ame kiştene.

11ê sibate dewa Birc Heyderî ya qezaya Şêrawa de hêzanê ma vera koma cergan a bi nameyê Feylaq El Şamî çalakîyêka sabotajî kerde. Na çalakîye de 2 cergî ameyî kiştene û 4 cergî zî birîndar bîyî.

Heman roje herêma Marê de nêzdîyê dewa Tiwêsê de hêzanê ma vera cerganê îşxalkeran çalakîyêke kerde. Hûmara cerganê ke na çalakîye de ameyî kiştene û birîndar bîyî nêameye zelalkerdene.

Heman wextî de artêşa tirke ya îşxalkere û cerganê ci dewanê herêma Şehba û dewanê qezayanê Şera û Şêrawa ser o bi obus û hawanan bombayî varnayî.''