Meclîsê Eskerîye yê Qamişloyî ame awankerdene

Hêzanê Eskerîye yê Qamişloyî, awankerdişê Meclîsê Eskerîye yê ci da eşkerakerdene.

Hêzanê Eskerîye yê Qamişloyî, bi merasîmêk Şehîdgehê Şehîd Delîl Sarûxanî yê Qamişloyî de, Meclîsê Eskerîye yê Qamişloyî îlan kerd.

Endamê Sazgehê Keyeyanê Şehîdan, Hêzê eskerîye, Temsîlkarê Rayberîya Xosere û rîsîpi û şar tewrê merasîmê îlanê Meclîsê Eskerîye yê Qamişloyî bîyî.

Fermandaranê QSD‘î ra Piling Qamişloyî qisey kerd û ard ziwan ke dimayê çinkerdişê DAÎŞ’î, hetê eskerîye ra Vakur û Rojakewtena Sûrîye de têkoşînê înan ê vera DAÎŞ’î kewt merheleya newîye. Qamişloyî da zanayene ke QSD wextêkê wina muhîmî de do xo newe ra  rêxistin bikêro.

Pilingî bale ante serê wezîfeyê meclîsê eskerîye yê herême û ard ziwan, wezîfeyê  înan o sereke  vera terorîstan pawitişê herême yo û hetkarî û asayîşê hemwelatijan ê herême yo.

Hemserekê Meclîsê Rayberî yê Herêma Cizîrî Telhet Yûnisî zî qisey kerd û awankerdişê Meclîsê Eskerîye yê Qamişloyî yê şerwanan, keyeyanê şehîdan û hemwelatijanê bajarê Qamişloyî pîroz kerd.