Fermandarê Meclîsê Leşkerî yê Girê Sipî Rîyad Xelefî cewab da gefanê îşxalî yê dewleta tirke û vat: ''Dewleta tirke do nê erdî de raştê xoverdayîşêkê pîlî bêra.''

Fermandar Rîyad Xelefî verê merkezê înan ê Eyn Îsayî de qisey kerd û vat: ''Dewleta tirke do nê erdî de raştê xoverdayîşêkê pîlî bêra. Şer têna yew ca de nêmano, vilayê her cayî bibo.''

Xelefî bale ante ser ke hukmatê Şamî cepheyanê şerî rê sewqîyatê leşkerî keno û îfade kerd ke pawitişê erdê Sûrîye erkê pêro sûrîyeyîjan o.

Xelefî da zanayene ke goreyê peymana 22ê Teşrîna Verêne ya 2019î mesuldarîya hukmatê Şamî ya ke verê hêrişanê dewleta tirke de vindero. Xelefî pare kerd ke ê do pêro herêmanê îşxalkerdeyan zî azad bikerê.