Merkezê Îrtîbatî û Çapemenîye yê Meclîsê Leşkerî yê Minbicî bîlançoya hêrişanê dewleta tirke ya îşxalkere ê vera Minbicî eşkera kerde. 

Meclîsî eşkerayîya xo de nê agahîyî dayî:

"Cerganê dewleta tirke ya îşxalkere 1ê êlule de hêrişê Minbicî kerd. Hêzanê Meclîsê Leşkerî yê Minbicî cade cewab da hêrişan. Dima cergan baregehanê Kirbiclî, dewa Dendenîyê ra bi topan hêriş kerd.

Netîceya hêrişê cergan de dewa Mihsinlî de 4 domanê keyeyêkî şehîd bîyî û dewanê Ereb Hesen û Ewn El Dadatî de zî sivîlî birîndar bîyî.

2yê êlule de cergan ancî hêriş kerd. Netîceya hêrişan de hemwelatîye Fatme El Hac Mihemed El Xilêf (70) şehîd bîye û tay hemwelatîyî birîndar bîyî. Cergan birayê birîndaran zî keyeyê înan ra remnayî.

3yê êlule de hêzanê ma cewab da hêrişanê cergan.

4ê êlule de cerganê dewleta tirke ya îşxalkere reyna xîret kerd ke derbazê noqtayanê hêzanê ma bibê la hêzanê ma xîretê înan şikna û cergî remayî. Netîce de xeylêk cergî kişîyayî û birîndar bîyî. Wesayîtêkê înan o leşkerî zî ame îmhakerdene.

Heta nika 26 cergî kişîyayî û 21 cergî zî birîndar bîyî.''