Meclîsê Leşkerî yê QSDyî seba ercnayîşê xebatanê xo yê hîrê mengan bi beşdarîya Fermandarê Pêroyî yê QSDyî Mazlûm Ebdîyî kombîyayîşê xo yo asayî kerd. Fermandarê meclîsanê leşkerîyan, berpirsîyarê ofîs û dezgehan zî tewrê kombîyayîşî bîyî.

Kombîyayîş de hêrişê dewleta tirke ya îşxalkere, serebûtê peyênî û xizmetê seba şarî ameyî nîqaşkerdene. 

Kombîyayîş de ame parekerdene ke dewleta tirke wazena şerê Gazze ra îstîfade bikera û ancî hêrişê herême bikera. Ancî kombîyayîş de rewşa Meclîsê Leşkerî yê Dêra Zorê û hêrişê rejîmê Şamî yê vera Dêra Zorê ameyî ercnayene.

Meclîsê Pêroyî pêro birê seba newe ra awankerdişê Meclîsê Leşkerî yê Dêra Zorê tesdîq kerdî.

Peynî de seba ke hêzê leşkerîyî bêrê xurtkerdene plansazîye ameye kerdene.