Artêşa tirke ya îşxalkere û cerganê ci menga êlule de bi desan reyî hêrişê dewanê Eyn Îsa û Girê Sipîyî kerd.

Dima ke tebaxe de QSDyî operasyonê 'Xurkerdişê Asayîşî' dabi destpêkerdene artêşa tirke hêrişê xo yê vera Eyn Îsayî zêdînayî. 3yê êlule de cerganê artêşa tirke xîret kerd ke bikewê dewanê Sêgîro û Tirwazîyê. Şerwananê QSDyî cewab da hêrişan û netîceya nê pêkewtişan de 7 cergî kişîyayî û 7 cergî zî birîndar bîyî.

4ê êlule de îşxalkeran hêrişê dewa Hiwêcê ya Eyn Îsayî kerd. Hêriş de Xelîl Îbrahîm El Hemed (23) birîndar bi.

20ê êlule de hêzanê îşxalkeran hêrişê dewanê Ebû Nîtola yê Eyn Îsayî kerd. Hêriş de Macid Îbrahîm El Elî birîndar bi.

21ê êlule de hêrişê vera dewa Şêx Hesenî ya Eyn Îsayî de koçberê bi nameyê Qibin Ezîz El Xelîl (29) birîndar bi.

27ê êlule de hêrişê vera dewa Hedrîyatî ya Eyn Îsayî de Mihemed El Ciwêd (35) şehîd bi û Mehfûz El Hemadî (30) û Mêrsî El Hemadî (23) birîndar bîyî.

7ê êlule de hêrişê dewanê vera Girê Sipîyî kerd. 18ê êlule de dewê Ehmediyê, Erîda û Benderxanî yê Eyn Îsayî dîyayî bombayan ver. Hêrişî ra mabên dîya perwerde.

Goreyê doneyanê ANHA destpêkê îşxalê Girê Sipîyî ra nata netîceya hêrişanê artêşa tirke ya îşxalkere de 50ê ci domanî 125 sivîlî birîndar bîyê.