Embazê ma Seyîd Evrano ke bi serran ANF de xebitîyabi, şehadetê xo ra verî mesajê xo yo peyên da. Mesajê ci yo peyên wina yo:

''Ver bi raywanîya peyêne de!

Seba ke her hela cuye manadar biba ganî têkoşînê pîlî bêrê kerdene. Mi zî seba na mana têkoşînê pîlî kerdî. Ez kurd a û ganî şarê mi zî azad bibo. Seba ney zî mi heta nefesê xo yê peyênî qelema xo û kameraya xo şuxilnaye, mi qiseyê xo vatî. Nika ez ewnîyena ke çend nesîlî vurîyayê? Ma her roje zî zêdîyayî...

Ma wayîrê ê tradîsyonî yê ke zereyê mezelî de zî bibê, seba azadîya nê şarî çi bikewo milê ma bikerê. Coka ma est bîyê û ciwîyayê.

Pîrikê mi wexto ke hetê Şêx Seîdî de şîyêne no têkoşîn da destpêkerdene. Ez tornê pîrikê xo ya. Mi ala ey pê Rayber Apoyî û PKKyî kirişte. Ez Amedî ra heta Garzanî, Efrînî ra heta Qamişloyî, Zapî ra heta Silêmanî, Ûrmîye ra heta Mehabadî her ca de bîya. Nika yew hetê mi Vakur, yew hetê mi Rojawan, hetê min o bîn Başûr û oyo bîn zî Rojhelat o. Ez bi temamî bîya Kurdîstan. Hînî peyê mi de mîlyonî est ê ke nê tradîsyonî bidê dewamkerdene.

Hema zaf çi est bi ke ganî mi bikerdêne la wext heta tîya yo.

Oxir bo û bi heskerdişî bimanê!''