Merkezê Îrtîbatî û Çapemenîye yê Hêzanê Asayîşê Zereyî yê Minbicî da zanayene ke vizêr netîceya teqayîşê mayînî de şerwanêk şehîd bîyo û 3 şerwanî zî birîndar bîyê.

Hêzanê Asayîşê Zereyî vat: ''3yê teşrîna verêne de agahîyî resayî destê ma ke vatêne cayê Şehîdan ê Minbicî de mayîn est o. Hêzanê ma verê xo da nê cayî û dormeyê cayî girewt. Hêzanê ma mayîn dûrî ra teqna, netîceya ney de şerwanêkê ma şehîd bi û 3 endamê ma zî birîndar bîyî. Nê kerdişê terorî israrê ma yê têkoşînî do bizêdînê.''