Çarçewaya Hemleya Azadîye de kurdîstanijî û dostê înan ke bajarê Kolnî yê Almanya de ameyî têhet semedê azadîya Rayber Apoyî çalakîya tarîxîye kerde.

Badê rayrayîşayîşê bicoşî mîtîng ame kerdene. Mîtîng bi wendişê Ey Raqipî rêzgirewtişê semedê şehîdan dest pê kerd.

Verî Hemserekanê KCDK-E Zubeyde Zumrut û Engin Sever û temsîlkara TJK-E Aytene Kaplan qisey kerd. Qiseykerdişan de ame vatene ke kurdî peyê Rayberîya xo de yê û adresê çareserîye Abdullah Ocalan o.

Dima ra Hemserekê KNKyî Ahmet Karmusî qisey kerd û vat çareserîye têna bi Birêz Ocalanî mumkun a.

Wekîlê DEM Partî Omer Ocalanî ke çend hewteyî verî Rayber Apoyî reyde pêvînayîş kerd ey zî mîtîngê Koln de qisey kerd. Omer Ocalanî ke kurdîstanijan û dostanê ci rê selamê Rayber Apoyî ardî bi coşî ame pêşwazîkerdene. Şarî bi slogananê "Bê Serok jiyan nabe", "Bijî berxwedana Îmrali'' selamî girewtî.

Omer Ocalanî vist vîrî ke mesajê Rayber Apoyî hetê kurdan, dezgehanê kurdan, partîyanê sîyasîyan û rêxistinan ra ame wayîrvejîyayene û vat: ''Birêz Ocalanî vat 'her ca de selamanê mi vajê.' Birêz Ocalan zîndan de bi moral, enerjî û qudretê xurtî vano ke o semedê çareserîya bianore hazir o. Ganî ma zî sey şarî hêz bidê hêzê ey. Ganî ma têkoşînê xo xurt bikerê û verê şerî leyminî bigîrê. Ganî ma sîyaset, yewîye û tekîlîya xo xur bikerê.

Çareserîye bi samîyetî bena. Tecrîdo bêqanûn û huqûq ganî bêro wedaritene. Ez 37 serrî ya, mi hema newe Birêz Ocalan dî. Mi ra vat rewşa Hamili Yildirim, Omer Hayrî Konar û Veysî Aktaş zî hol a. Ez rewşa ey persaye  vat 'nê caverde' û şarê ma persa û waşt ma nê ser vinderê. Her kes vano demokrasî û Birêz Ocalan nê demokrasîyî temsîl keno. Ma do bi moralê xurtî û tewirê zelalî têkoşînê xo xurt bikerê. Serkewtiş ê ma yo.''

Badê qiseykerdişê Omer Ocalanî şarî bi yew fekî ra Rayber Apoyî rê selamê xo şawitî.