Bajarê Kolnî yê Almanya de çarçewayo safhaya diyîne ya Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye ' de 16ê teşrîna peyêne de (ewro) rayraşîyayîş û mîtîng do bêrê kerdene. 

Meydanê Deutzerî yê Koln de kurdîstanijî û dostê înan do reyna azadîya Rayber Apoyî biwazê. Eynî wextî de do selamê Rayber Apoyî bêro girewtene û mesajê muxatabê meseleya kurdan Rayber Apo yo bêro dayene.

Kesê ke welat û bajaranê dûran ra yenê kewtî rayîr. Kesê ke mîtîng de qisey kenê, hunermendî û komîteya hazirîye Koln de hazirîya xo ya peyêne kenê. Reyna kedkarê çapemenîye zî resayî bajarî.

Goreyê zanayîşanê ke komîteya hazirîye ra ameyî girewene saete 10:00 de şar do Deutzer-Werft de bêro têhet û saete 12:00 de rayraşîyayîşê 3 kîlomereyan bikero û dima reyna agêro Deutzer-Werftî. Tîya mabênê 14:30 û 16:30 de do mîtîng û programê sehnî bêro kerdene.

Mîtîng de Wekîlê DEM Partî Omer Ocalan o ke 23ê teşrîna verêne de Rayber Apoyî reyde pêvînayîş kerd do qisey bikero.