Meclîsê Sûrîyeya Demokratîke (MSD) bi eşkerayîyêka nuştekîye da zanayene ke ê do semedê xurtkerdişê cuya hempare û wayûbiratîya şaran ê do bi tewrbîyayîşê akemîsyen, roşnvîranê herême û temsîlkaranê şarê Sûrîye kombîyayîşêk bikerê.

Eşkerayî de wina ame vatene: ''Dîyalogêko netewe yê şaranê Vakur û Rojhelatê Sûrîye vera tehdîtanê serê asayîşê herême do paştdayîşî pêt bîkero. Ma roja verêne ya destpêkerdişê têgêrayîşanê şorişî yê 2011î ra nate tim krîzan bi destê şarî danê çerekerdene. Ma sey tim reyna rayîrê leşkerî red kenê û wazenê bi dîyalogî meseleyanê xo çareser bikerê. Ma zaf kombîyayîşî û pêvînayîşî kerdî. Ma temsîlkaranê hukmatê Şamî de reyde ameyî têhet û waşt ke şar îdare de ca bigêro. Şarê harême semedê pawitişê herême berpirsîyarîya xo arde ca û rolêko muhîm kay kerd. YPG, YPJ û QSDyî yê ke şarî ra yenê raameyenê herême çeteyanê DAÎŞî ra xeslina.

Dewleta tirke tay herême herra Sûrîye îşxal kerdî. Pîya bi naye bêvengîya komelê mîyanneteweyî yan zî hemkarîya înan dejê şaranê Sûrîye zafêr kerdî. MSDyî pîya bi Îdareyê Xoserî û QSDyî xebatî kerdî û semedê dîyalogî veng dayo. Reyna tim cehd kerdo ke temsîlkarê şaranê Sûrîye û partîye ci pîya têbigêrê ke feyda bireso şarî. Ma sey MSDyî semedê xurtkerdişê cuya hempare û wayûbiratîya şaran do bi tewrbîyayîşê akemîsyen, roşnvîranê herême û temsîlkarnê şarê Sûrîye kombîyayîşêk bikerê. Bi nê hewayî projeyê netewa demokratîke do bêro înşakerdene ke herême do reyna sey dewranê verênanê ke medenîyet vejîya werte, bireso rolê xo yê warê zanîst û kulturî.''