Meclîsê Demokratîkî yê Sûrîye (MSD) bi wesîleya îşxalê dewleta tirke yê vera Efrînî yo ke 20ê çeleyê 2018î de dest pêkerd eşkerayîyêka nuştekîye kerde.

Eşkerayîya MSDyî wina ya:

"20ê çeleyê 2018î de dewleta tirke ya îşxalkere û cerganê ci yê pabesteyê OSOyî Efrîn îşxal kerd. Netîceyê nê îşxalî de bi seyan kesî şehîd bîyî û bi hezaran kesî neçare mendî ke koç bikerê. Dewleta tirke bi nê îşxalan armanc kena de dewleta osmanijan newe ra ganî bikera.Efrîn herêma tewr biasayîşe ya Rojawanî bî. La îşxalê dewleta tirke ra dima bî cayê talanî, şerî, şîdetî û vurnayîşê demografîyî. Sere de Îdlîbî ra zaf cayan ra merdimî ameyî ardene û Efrîn de ê ameyî cakerdene ke demografîyê herême bêro vurnayene. Komelê mîyanneteweyî zî vera nê kerdişan de hema zî bêveng o.

Ma sey MSDyî nê bobelatanê pîlan şermezar kenê  û venga komelê mîyanneteweyî, Konseya Asayîşî ya Neteweyanê Yewbîyayeyan, rêxistinanê heqanê merdiman, welatanê koalîsyonî û Rûsya danê ke îşxalê dewleta tirke yê vera Efrînî vindarnê ke şarê Efrînî abigêro waranê xo. Ma reyna venga şarê Sûrîye danê ke sere de Efrîn herêmanê ke hetê dewleta tirke ra ameyî îşxalkerdene de şerê xelisnayîşî do bêro îlankerdene. Ma soz danê şarê Efrînî ke ma do warê mîyanneteweyî de têkoşînê xo dewam bikerê. Ma do seba azadîya Efrînî paştî bidê hêzanê xoverdayîşî."