Înîsîyatîfê Abdullah Ocalanî rê Azadîye yê Rojawanî serkêşîya xeylêk xebatan keno. Înîsîyatîfo ke bajaranê sey Haleb, Minbic, Dêrazor, Hesekê û Qamişloyî de merkezê ci est ê, xebatanê xo di hetan ra rayra beno. Hetêkî ra felsefeya Ocalanî vila keno hetê bînî ra semedê azadîya fîzîkîye ya Ocalanî xebetanê muhîman keno.

Endama Înîsîyatîfê Abdullah Ocalanî rê Azadîye ra Ferzende Munzurî vist vîrî ke dewleta tirke pîya bi xorîkerdişê tecîrîdî hêrişê giranî yê vera Kurdîstanî dayî destpêkerdene û vat: ''Caardişê tecrîdî yê vera Rayber Apoyî qet sînorêk nas nêkenê. Kam ke zîndan de yê heqê ci est o ke merdim û avûkatanê xo bivîno. Dewleta tirke nê heqî xesp kena. Eke înan çareserkerdişê meselaya kurdan raşta biwaştêne wina nêzdîyê Rayber Apoyî nêbîyêne. Seba ke nêeşkenê têkoşînê Îmraliyî bişikinê kenê ke pê tecrîdî îradeyê kurdan û şerwananê azadîye bişikinê. Têkoşînê Îmraliyî zaf muhîm o. Tesîr û çîqê nê têkoşînî xorî ra tesîrê şarî keno. Coka sîyasetê înkar û îmha rayra benê. Beşik no sîyaset do netîce megîro. Pê nê sîyasetê leyminî nêeşkenê îradeyê kurdan bişikinê. Rayber Apo kilîtê haştîye û demokrasîyî yo. Ganî her kes nê bivîno. Îmraliyî ra tim mesajê haştîye û demokrasîyî yenê. Êyê ke demokrasî xo rê sey tehluke vînenî, nê ra tersenê. Şarê Rojawanî semedê azadîya fîzîkîye ya Rayber Apoyî payan ser o. Pêroyê Sûrîye de Rayber Abdullah Ocalan zaf yeno heskerdene. Heme hetê komelî de çalakîye de yê.''