Endamê Înîsîyatîdê Abdullah Ocalanî rê Azadîye Ferzende Munzurî ard ziwan ke polîtîkaya îmha û qirkerdişî ancax bi azadîya Rayberê Şarê Kurdî Abdullah Ocalanî qedîyena û vat: ''Seba azadîya ey têkoşîn ganî bêro xurtkerdene.''
Endamê Înîsîyatîdê Abdullah Ocalanî rê Azadîye Ferzende Munzurî derheqê tecrîdê vera Rayberê Şarê Kurdî Abdullah Ocalanî de ANFyî rê qisey kerd.
Tecrîd parçeyêkê vera sîyasetê çinkerdişê kurdan o û vat: ''Dewleta tirke xîret kena ke vengê Rayber Apoyî nêreso şaran û bi nê hawayî netîceyêke bigêra. Seba ney zî huqûqê mîyanneteweyî û huqûqê zereyî dana kişte.''
Munzurî bale ante zîyaretê Îmraliyî yê CPTyî ser û vat: ''CPT erkê xo nêano ca. Ganî CPT binpaykerdişanê vera tepişteyan teqîb bikero û tedaya dewletan bikero ke verê înan bigêrê. Ganî CPT derheqê zîyaretê xo yê Îmraliyî de eşkerayîyêke bido. Ganî na serre no tecrîd bêro şiknayene.''
Munzurî da zanayene ke Rojhelatê Mîyanênî de xeylêk înîsîyatîf, dezgehê heqanê merdiman est û ganî ê xo biresnê nê dezgehan. Munzurî vat: ''Ganî ma karê xo yê dîplomasî bizêdînê. Heta ke netîce bigêrê ganî ma muracatê CPT, Yewîya Ewropa û Neteweyanê Yewbîyayeyan bikerê. Emser ma do komxebatanê xo bikerê. Polîtîkaya îmha û qirkerdişî ancax bi azadîya Rayberê Şarê Kurdî Abdullah Ocalanî qedîyena. Seba azadîya ey têkoşîn ganî bêro xurtkerdene.''
