Hemserekê PYDyî Salîhî derheqê Qirkerdişê Zaxoyî ke hetê dewleta tirke ra ame kerdene ANFyî rê qisey kerd.

Muslimî vat: ''Qirkedişê Zaxoyî qirkerdişo verên ê dewleta tirke nîyo û do peyên zî mebo. Faşîzmê Tirkîya wazeno Kurdîstan veng bikero.  No xora verî zî Vakur, Başûr û Rojawan de kerd. Wazenê kurdan erdê înan ra vejê û Kurdîstan bikerê veng. No hêrişêko plankerde yo. Her ca de yeno kerdene. Leteyanê bînan ê Kurdîstanî de zî yeno kerdene. Hem zî bi hewayêkê zaf wehşî yeno kerdene. Dewleta tirke ne goreyê ehleqî ne zî goreyê qanûnanê mîyanneteweyîyî têgêrena. Heta inkey çew zî tira nêva vinde. Her kes vera kerdişanê ci bêveng o. Eke verê ci nêro girewtene hema do hêrişanê xirabêran bikero. Tirkîya pê hêzê NAToyî hêriş kena. NATO ganî hinda Tirkîya ra vejo beso vinde. Erdogan semedê heme dinya tehlukeyo ke ganî verê ci bêro girewtene.''

Xora hêzê pabesteyê PDKyî zî mîyanê nê leyminîye de yê. No zî çîyo newe nîyo. Xeylêk qirkerdişanê bînan de zî PDK paştî daye dewleta tirke. Kenê ke kerdişanê Tirkîya binimnê. Coka vilawekanê înan pare kenê. Una qeyde sûcê xo zî nimnenê. Hêzanê ke no hêriş kerd xora nuqta û qereqolê înan nêzdîye warê qewimîyayîşî de yê. Nê qereqolan ra hêriş ameyo kerdene. Eke cipersayîş bêro xorîkerdene; nê qereqolî qey û bi waştişê kamî uca de yê… Eke cipesayîşo raşt bêro kerdenê leyminîya PDKyî vejîyena werte. Semedê nimitişê sûcanê xo hêrişkaran pawenê. Hinda şarê kurdî înan sarisneno. Kam sûcdar o, kam se keno her kes her çî zano.''