Welatperweranê Rojawanî ra Newaf Xelîlî ANFyî rê qisey kerd û qala ci kerde ke ey key û senî têgêrayîşê azadîye şinasnayo.

Xelîlî vat: ''Ma Tirbesipîyê de bîyî, komêka wendekaran est bîye. Mîyanê înan de embazêkê bi nameyê Xebatî est bi. Wendekaran rojanê îneyî ma rê vat ke vateyê embazan şirove kerdêne. Ma o çax PDKgîr bîyî. Xêrê nê wendekaran ra 1988 de fikrê Rayber Apoyî kewtî keyeyê ma. Serranê 1986-1987î de ciwanêk ame keyeyê ma û qala şorişê Vakurê Kurdîstanî, Rayber Apoyî kerde, vatêne o do kurdan azad bikero. O çax sempatîya ma est bîye.

Teşrîna peyêne ya 1997î de ez şîya hetê Rayber Apoyî û ey zaf tesîrê mi kerd. Mi fam kerd ke welatperwerî çita ya. Şar zaf wayîrê ci vejîya. Ciwanî tewrê têkoşînî bîyî. Rojawan bi cepheyêkê şorişê Vakurî. PKK pêro parçeyanê Kurdîstanî ra û dinya ra vila bi. PKKyî raştîya tarîxî û raştîya komelê kurdan eşkera kerde. Kurdî musayê ke senî wayîrê raştîyan vejîyê. PKK çîyo ke bêîmkan bi ard ca.''