Endama Fermandarîya Pêroyî ya QSDyî Newroze Ehmed derheqê Operasyonê Sodnî  yo ke vera ajananê dewleta tirke dîya destpêkerdene ANFyî rê qisey kerd.

Newroze Ehmed vat: ''Dewleta tirke vatişê 'ajanê ma yê warî' zaf şuxulnena.  No leteyêkê caardişê şerê taybetî yo ke vera nê şarê rayra bena, yo. Wina kena ke wa bawerîya şarî pê yewbînî çînê bo. Kena ke şarî bitersno.  Nê hêrişan de nêeşkayî waştişê bîyarî ca. No na raştîye vejeno wete.  Ma nê hole bizanê.  No leteyêkê şerê taybetî yo.  Bi metodanê cîyayan, bi tersî tay kesan şuxulnenê. Hetê madî û metodanê bînan ra înan şuxulnenê. Êyê ke verî remayî şîyî Tirkîya reyna şuxulnenê û peyser şawenê herême. Vera şaranê herême sîyasetê leymin yeno rayraberdene. Nê semedî ra nê qewimîyayîşî, şehadet, suîkastî hetê ajananê ke dewleta tirke herême de ca kerdî ra yenê kerdene. Armancê înan mîyanê şarî de îradeyî bişiknê.''

Ehmede wina dewam kerd: ''Têna warê leşkerî de nê her ca de kesê ke serkêşîye kenê hedef genê ke bêtesîr bikerî û bi hedefgirewtişî welatperweran kenê şarî bitersnê. Kenê ke merdiman îdareyê ma hêzanê leşkerîyan ra dûrî tepişê.  Ya vanê wa bitersê û herême ra vejîyê.  Bitaybetî demê peyênî de waranê xizmetî yê hewceyanê şarî anê ca, hedef genê.  No zî leteyê eynî planî yo.  No leteyêkê operasyonî yo. Xeylêk kesî persenê, dewleta tirke do hêriş bikero?  Çiwext do hêriş bikero? Dewleta tirke xora tim hêriş kena.''

Newroze Ehmed vat: ''Hemleya ke ma daye despêkerdene zaf muhîmbî. Ajanê MÎTÎ vetê werte. Xeylêk ajanî ameyî destbendkerdene. Operasyonê ma hema dewam kenê. Çarçeweya hemle de ma serkewtişê girdî fînayî dest. La nê têna qîm nêkenê. Dişmen rojane sîyasetê xo yê leyminî dano domnayene. Vera nê zî têkoşînî ma do tim dewam bikero. Ganî şarê ma kayanê leyminan ê dişmenî ya mexapîyo. Ma do pîya bi şarê xo nê sîyasetê leyminî betal bikerê.''

Ehmed  bale ante têkoşîn û yewîbîyayîşê şar û hêzanê pawitişî yê herême ser û vat: ''Dişmenî dî ke zehîd bîyo û hêrişê xo yê ke 19-20ê teşrîna peyêne de ameyî destpêkerdene, hîra kerdî. Sere de Erdogan û hukmatê AKP-MHPyî  bi bahaneyê PKK tîya de yo hêrişê dezgehanê xizmetî ê sey nêweşxane, mekteb, îstayonananê ceyran û awe û peterolî kenê. Reyna dormeyê Kampa Holî û zîndanan de hêzê pawitişî hedef girewtî. No zî mojneno ke dişmen senî eciz bîyo. Metodê înan heta inkey  betal bîyî. Çîyo ke waşt nêfîna dest.  Şarê man ê demî de zafêr wayîrê hêzanê pawitişî vejîya. Mesajê vera dişmenî pratîk de da. Pawitişê herra xo û şorişî zaf muhîm bi.''

Newroze Ehmed vat: ''Erdoganî verî vatêne 'hedefê leşkerî' inkey vano 'her ca semedê ma hedef o' Seba ke planê ci ser nêkewt, bêçare mend ke wina vajo.  Hetê bînî ra zî bêvengîya mîyanneteweyîyî ra paştî geno. Eşkera vat ê do her cayî hedef bîgêrî la qet çewî ra veng nêvejîya. Qet çew nêvano ke tîya çîyê ke  benê kaosê merdimîye yo. Erdîra hêrişê girdî dest pê nêkerd la tim vera herêma ma hêrişî est ê. Kesê ke ma tepiştî vanê Erdogan çeteyan ra vato ê semedê operasyonî amede yê. Beno ke demê kilmî de erdî ra operasyon bêro destpêkerdene.

Ma sey sîyasî û dîplomatîkî he hetê ra têkoşîn û gureyê xo bidomnê û nê hêrişanê dişmenî betal vejê. Erdogan wazeno pê hêrişan şiro weçînitiş û ser bikewo la nê do peynîya ey bîyarê. Ma na çarçewe de amedekarîye kenê.  Ma pê bawerê ke hêrişan do betal bikerê. Serkewtiş ê şarê ma yo.''