Hêzanê Asayîşê Zereyî yê Rojawanî 28ê adare de Kampa Holê ya Hesekê de 'Operasyonê Asayîş û Merdimîye' da destpêkerdene. Hêzê QSD, YPG  YPJyî tewrê operasyonî bîyî.

Vervatoxê YPGyî Nûrî Mehmûdî derheqê operasyonî de ANFyî rê qisey kerd.

Mehmûdî pare kerd ke Kampa Holê de hîşmendîya DAÎŞî dewam kena û DAÎŞ kampe de tesîrê domanan keno. Mehmûdî vat: ''Ma nê operasyonî vera karanê terorî kenê. Kampe de serrêke de 47 kesî ameyî qetilkerdene. Ma wazenê keyeyanê DAÎŞijan na hîmendîye ra bixelisnê. Hêzê QSD, YPG û YPJyî paştî danê operasyonî. Hêzê Asayîşê Zereyî mîyanê kampe de xebitîyenê.  Agahîya 'kampa Holê de xeylêk merdimê bitehlukeyî estê ser o ma operasyonêk da destpêkerdene. Cayê terorîstan ame tesbîtkerdene. Heta ke destê ma ra bêro ma wazenê domanan bixelisnê. Operasyon qasê 15 rojan do dewam bikero.''

Mehmûdî da zanayene ke Kampa Holê zîndan nîya û binê çimdarîya rêxistinan ê mîyanneteweyîyan de ya. Mehmûdî vat: ''Roniştoxê kampe se ra 60-80 sûrîyeyîj nîyê. Rewşa înan  huqûqê mîyanneteweyî de eşkera nîya la nê kesî wayîrê hîşmendîyêka bitehluke yê. Tedbîrê xurtî yenê girewtene. Îdareyo Xoser goreyê îmkananê xo hewcedarîyanê kampe peyda keno. Xora na zî barêka giran a. Dinya pê mesuldarîya xo tênêgêrena coka pêro bare milê Îdareyê Xoserî de, Hêzanê Asayîşî û ma de mende. No wijdanî nîyo. Pêro dinya zanena ke na kampe bitehluke ya. Ganî tedbîrê zêdêr cidîyî bigêrîyê. ''

Mehmûdî îfade kerd ke endamanê mîyanneteweyîyan ê DAÎŞî bi seyan sûcî kerdî û seba ke nê DAÎŞijî bêrê muhakemekerdene welatê înan mesuldarîya xo nêanê ca. Mehmûdî vat: ''Na mesuldarî zî milê Îdareyê Xoserî de mende. Bi na wesîle ma veng danê ke wa çarçewa huqûqê mîyanneteweyî de prosesê muhakemekerdişê nê kesan dest pêbikero.''