Kampa Holî û dormeyê ci de operasyonê asayîşî hetê Hêzanê Asayîşê Zereyî, Hêzanê Asayîşê Zereyî yê Cinîyan, YPG û YPJyî ra vera çeteyanê DAÎŞî dîyabi destpêkerdene.

Operasyon roja hîrêyîne de dewam keno

Hêzanê Asayîşê Zereyî vizêr dabi zanayene ke operasyon de heta nika 16 çeteyî tepişîyayê, dest nîyayo 3 kalaşnîkofan, 2 demançeyan û xeylê cebilxaneyan ser.

Kampa Holî ya ke pabesteyê şaristanê Hesekê ya cayanê tewr tehlukeyînan ra yew a. Kampe de qasê 13 hezar û 124 multecîyê iraqijî, 15 hezar û 805 koçberê sûrîyeyîjî û 6 hezar û 385 cinî û domanê çeteyanê DAÎŞî manenê.