Fermandarîya Operasyonanê Hemparan ê Iraqî da zanayene ke operasyono ke înan 7’ê Temmuze de seba pakkerdişê çeteyanê DAÎŞ’î yê mabênê herêmanê Salahaddîn, Mosil û Anbarî de dayo destpêkerdene resayo nuqteya temambîyayîşî.

Operasyonê hemverê DAÎŞ’î yê artêşa Iraqî rê Şengal ra hêzê bi nameyê “Nusrel Mubîn Ewel” û “Nusrel Mubîn Tinên” zî beşdar bîbî.

Bi Serkewtiş Dewam Keno

Goreyê hayîdarîyanê ke ameyê girewtene, operasyono ke 7’ê Temmuze de ameyo destpêkerdene ver bi qedînayîşî şino. Operasyono ke 4 rojî yo dewam keno de ame vatene ke hemverê DAÎŞ’î de mucadeleyêko pîl ameyo kerdene û operasyon bi serkewtiş dewam keno.

Hêzê Nusrel Mubîn Ewelî û Nusrel Mubîn Tinênî, roja ke qirkerdişê Êzidîyan dest pêkerdo ra nata hêzanê YBŞ-YJŞ’yî dir pîya mucadele kenê. Nê hêzê ke 5 serrî yo Şengal de mucadele kenê, xeylî endamê înan şerê hemverê DAÎŞ’î de şehîd bîyî.