Merkezê Îrtîbatî yê Hêzanê Sûrîyeya Demokratîke (QSD) serê keyepelê xo de eşkerayîyêka fermîye weşanaye. Eşkerayî de ame vatene Yewîyê Antî-Terorî yê QSD’yî bi hemkarîya Koalîsyonê Mîyanneteweyîyî bejikê Dêrazorî de operasyonêk de eşto serê 21 bargehanê nimiteyan ê DAÎŞ’î û netîce de 30 çeteyî ameyê tepiştene.

 Eşkerayî de nê hayîdarîyî ameyî parekerdene:

 “Yewîyê Antî-Terorî yê pabesteyê Hêzanê Sûrîyeya Demokratîke bi hemkarîya Hêzanê Koalîsyonê Mîyandewletî yê herêma Dêrazorî ya hemverê DAÎŞ’î roja Dişemeyî ereyîya şewe de eşt serê xeylî bargehanê DAÎŞ’î yê ke bejikê rojakewtena Dêrazorî de bî. Yewîyanê Antî-Terorî serê hayîdarîyanê îstîxbaratî ra ke çimeyêkê wareyî ra girewto, pêhesîyayê ke hucreyê nimiteyî yê DAÎŞ’î estê. Naye ser 21 hedefî dewanê Zîban, Şihêl, Zir û dorê rojawanê Bisêra de ameyî tespîtkerdene. Dima Yewîyanê Antî-Terorî bi hemkarîya Koalîsyonê Mîyandewletî hemverê hedefan de operasyon kerd. Operasyonanê hemwextan saete 1’ê şewe ra dest pêkerd û heta 4’ê serê sibayî dewam kerd. Netîce de 30 terorîstê DAÎŞ’î û kesê ke gumandarî bîyî ameyî tepiştene.

 Operasyonan de mîqdarêk çek û cebilxane kewt destê yewîye.

Çekê ke ameyê destsernayene wina yê: “1 çekê sûyîqestî, 3 kalaşnîkovî, 3 demançeyî, demançeyêko eyarkerde, 5 şarjurî, çekêk Bruno, şarjurêkê Bruno, durvînêka sûyîqestî, 15 şarjurê kalaşnîkovî, 3 telafonê destan, 1 zincîra çekê duktryovî, 3 rextê kalaşnîkovî, 2 rextê demançeyî, hîrê cîhazê întenetî û 2 kelemçeyî.”