Dadîyanê ke çalakîya nobete ya Sêmalka de ca gênê hêrişê PDKyî ya vera ciwanan bi eşkerayîyêke şermezar kerd.

Nameyê dadîyan ser o Raxîde Xelîl eşkerayîye wende û da zanayene ke hêrişê PDKyî de Têgêrayîşê Ciwanan ê Şorişgêran ê Rojawanî û Yewîya Cinîyan ê Ciwanan ra 15 ciwanî birîndar bîyî, rewşa ciwanan giran a û wedarîyayî Nêweşxaneyê Dêrikî.

Dayîke Raxîde Xelîl pare kerd ke PDK xizmetê kurdan nêkeno û vat: ''PDK têna xizmetê dewleta tirke ya îşxalkere keno. Hêrişê înan ê vera ciwanan berdewamîya bêbextîye ya. Ganî qet yew hêz verê Têgêrayîşê Ciwanan ê Şorişgêran ê Rojawanî û Yewîya Cinîyan ê Ciwanan de mevindero. Coka ganî PDK karanê xo yê xayînan ra fek vera bido. Ciwanî do paştdayîşê gerîlayan ra fek vera medê.

Hêrişê vera nê ciwanan û dadîyan şerm o. Hêzanê PDKyî hêrişanê xo de awa tazyîkene, gazê îsotî, gule û kerrayî şuxilnayî. Netîceya hêrişê PDKyî de 15 ciwanî birîndar bîyî û rewşa înan zî giran a.''