Siltan Hemo yo ke xeylêk warê komelkî de webitîya û nika zî PYD de ca gêno vera hêrişanê dewleta tirke yê serê Rojawanî nêrazîbîyayîşê xo mojna.

Siltan Hemoyî vat: ''Verî ke mi partîye nas nêkerdêne ma zanayêne ma kurd ê labelê hetê kurdayetî û welatperwerîye ra kêmasîya ma estbî. Ma hêdî hêdî PKK û têkoşîn nas kerd û esasê felsefeya Rayberîye ser o kar kerd. 15ê tebaxa 1990î de akademîya Mahsum Korkmazî de mi hîna zêde Rayberîye nas kerde. Rayberîye hêz da ma, ma ra waşt ke ma biwanê û xo aver berê.

Fikrê Rayberî ewro benê raşt. Nêzdîbîyayîşê ereban ê seba têkoşînî mojneno ke têgêrayîşê azadîye seba pêro merdimîye têkoşîn keno. Ma nika til Temir, Efrîn her ca de têkoşîn kenê, xo ver danê. Rayberîye waştêne ke her kes tewrê têkoşînî bibo û destê înan ra çi yeno wa bikero. Ewro zî yeno dîyene ke mîyanê şarî de yewbîyayîş û rêxistinbîyayîş roje bi roje benê pîlêr. Ma waştişê azadîya Rayberê xo kenê. Şarê herême her roje wayîrê na kede, partîye û şehîdanê xo vejîyeno. Çareya xelisîyayîşê hêrişanê dişmenana têkoşîn o. Şoriş roje bi roje beno pîl.''